<!-- IMAGE -->
Yəmən rəsmilərinin bildirdiyinə görə, hökumətlə atəşkəs razılaşmasının bir hissəsi kimi ölkənin şimalındakı şiə yaraqlılar 178 əsgər və mülki vətəndaşı sərbəst buraxıb. Tərəflər arasında vasitəçilik edən rəsmilər deyir ki, şiə Zəidi təriqətinə məxsus yaraqlılar ələ keçirdikləri girovları bu gün Yəmənin Səada vilayətində geri qaytarıblar. Onların sözlərinə görə, hüquq-mühafizəçiləri azad edilmiş əsgərləri və mülki vətəndaşları paytaxt Sənaya sabah gətirəcəklər. Girovların azad edilməsi Yəmən hökumətinin yaraqlıları fevral ayında atəşkəs razılığını pozmaqda ittiham etməsindən bir gün sonraya təsadüf edir. Səna bildirir ki, yaraqlıları geri çəkildikləri bəzi strateji ərazilərə yenidən daxil olublar, yeni məntəqələr yaradıb və minaların təhfil verməkdən boyun qaçırıblar.