İranın
atom enerji agentliyinin sədrinin sözlərinə görə, ölkənin yeni və daha effektiv
sentrifuqaları 2011-ci ilin mart ayına kimi hazır olacaq. Əli Əkbər Salehi
yarı-rəsmi Fars xəbər agentliyinə bildirib ki, İran bütün problemlər və
nasazlıqları aradan qaldırmaq üçün hazırda yeni nəsil sentrifuqaları sınaqda
keçirir. Onun sözlərinə görə, İranın hazırda fəaliyyətdə olan 6 min
sentrifuqası var. Yeni modellərin uran zənginləşdirmə vasitələrini hiss
olunacaq dərəcədə çoxaldacağı gözlənilir. İran bildirir ki, nüvə proqramı
elektrik enerjisi əldə etmək üçündür, ancaq Birləşmiş Ştatlar və digər Qərb
dövlətləri Tehranı nüvə silahı əldə
etmək üçün mülki enerji proqramından istifadə etməkdə günahlandırır.
