Çin və Cənubi Koreya Şimali Koreyanın nüvə proqramına dair mübahisənin həlli yönümündə səylərini artıracaqlarına söz veriblər. İki qonşu Asiya dövlətinin bu vədi Cənubi Koreya prezidenti Li Myunq-Bakla Çin vitse-prezidenti Şi Cinpinq arasında Seul danışıqlarından sonra açıqlanıb. Cənab Linin ofisinin açıqladığı bəyanatda deyilir ki, Cənubi Koreya prezidenti Pxenyanın nüvə proqramının dayandırılması məsələsində Pekinin 2010-cu ildə öz rolunu artıracağına ümid edir. Çin Şimali Koreyanın ən böyük müttəfiqi və ticarət tərəfdaşıdır.
