Washington Post qəzeti yazır ki, prezident Barak Obama Əfqanıstanda əlavə 13 min qüvvə yerləşdirmək haqda göstəriş verib. Bundan öncə Mart ayında prezident Obama Əfqanıstana 21 min ABŞ əsgəri göndərmişdi. Rəsmilər vurğulayıblar ki, son qüvvələrin tərkibi əsasən dəstəkləyici qüvvələrdən – mühəndislərdən, tibb işçilərindən və kəşfiyyat ekspertlərindən ibarətdir. NATO deyir ki, Əfqanıstan və koalisiya qüvvələri həmin ölkənin şərqində və cənubunda keçirilən əməliyyatlarda bir neçə militant öldürüblər. Əməliyyatlar Zabul, Qəndəhar və Vardak vilayətlərində keçirilib.
