Bu gün iqlim dəyişikliyi ilə bağlı yenicə qəbul
olunmuş qanuna güclü dəstəyini ifadə edən ABŞ prezidenti Barak Obama bunu
əhəmiyyətli addım adlandıraraq, yeni iş yerlərinin yaranmasına xidmət edəcəyini
deyib. Onun sözlərinə görə, zərərli istixana qazlarına ciddi məhdudiyyətlərin
qoyulması və alternativ enerjinin təbliğini nəzər tutan qanun sonda təmiz
enerjini gəlirli edəcək. Prezident deyib ki, təmiz enerjiyə investisiya
qoyulması minlərlə yeni iş yeri yaradacaq. Barak Obama bu sözləri həftəlik
radio müraciəti zamanı deyib. Qanun layihəsi dünən qəbul olunub. Nümayəndələr
Paltasının kənd təsərrüfatı sektorunun üstünlük təşkil etdiyi ştatlardan olan
demokrat nümayəndələri ratifikasiya olunması üçün qanun lahiyəsinə bəzi
dəyişikliklər edib. Onlar qanunun enerji qiymətlərini artıracağından
narahatdırlar. Qanunun lehinə cəmi 8 respublikaçı namizəd səs verib.
