Ümumdünya Səhiyyə Təşkilatının rəhbərinin sözlərinə
görə, Meksika hökumətinin xəstəliyin zirvə nöqtəsinə çatdığını və
artıq azalmaqda olduğunu söyləməsinə baxmayaraq donuz qripi A-H1N1 epidemiyası
daha geniş şəkildə yayıla bilər. Marqaret Çan “Financial Times” qəzetinə
bildirib ki, Meksika daxilində və xaricində
ölənlərin sayının azalması problemin sona çatması demək deyil. O,
xəstəliyin qarşısının alınacağını ümid edir.Çan deyib ki, virus yayılmaqda
davam etsə, bu, 21-ci əsrdə dünyanın üzləşdiyi ən böyük epidemiya ola bilər.
Keçən həftə Ümumdünya Səhiyyə Təşkilatı donuz qripi təhlükəsi barədə
xəbərdarlığı 6 dərəcəlik şkala üzrə 5-ci dərəcəyə qaldırmışdı.
