Yaponiya
və Cənubi Koreya xəbərdarlıq ediblər ki, əgər Şimali Koreya aprelin əvvəlində
raket uçuşunu sınaqdan keçirsə onda bu ölkə beynəlxalq sanksiyalarla
üzləşəcək. Cümə günü Cənubi Koreya
xarici işlər nazirliyi Pxenyana xəbərdarlıq edib ki, belə bir addım BMT Təhlükəsizlik
Şurasının 2006-cı ildə ballistik mərmi texnologiyasının inkişafına qoyduğu
qadağanı pozmuş olacaq. Nazirlik
sınağın məsləhətləşmələrə və əks-ölçülərə yol açacağını bəyan edib. Şimali Koreya beynəlxalq agentliklərə məlumat
verib ki, aprelin 4-ü ilə 8-i arası səmaya kommunikasiya peyki buraxacaq. Lakin ABŞ, Cənubi Koreya və başqaları bunun uzaqmənzilli
ballistik raket sınağı olduğunu bildirir.
Yaponiyanın baş kabinet katibi Takeo Kavamura bəyan edib ki, əgər mərmi
onun ölkəsinə çox yaxınlaşsa Yaponiya özünü müdafiə edəcək.
