Mərkəzi qərargahı ABŞ-da
yerləşən insan haqları qrupu növbəti prezident Barak Obamanı ABŞ insan haqları
sahəsində lider statusunu bərpa etməyə çağırıb. “Human Rights Watch”-un bu gün
açıqlanan bəyanatında deyilir ki, Qəzzada İsrail və Həmas arasında davam edən münaqişə
insan haqlarının pozulmasına beynəlxalq diqqətə ehtiyac olduğunu göstərir.
Qəzzada zorakılıqlar nəticəsində yüzlərlə insan həlak olur. “Human Rights Watch”
bildirir ki, Qərbin güclü rəhbərliyinin olmadığına görə, Əlcazair, Çin,
Hindistan, Pakistan və Rusiya kimi ölkələrdə insan haqları ciddi şəkildə
pozulur. Qrup deyir ki, cənab Obama Buş administrasiyasının yaratdığı təhlükənin
ciddiliyini dərk etməlidir.
