ABŞ-ın
növbəti vitse-prezidenti Co Bayden Taliban yaraqlılarının istinadgahı olan
Qəndəhara səfəri zamanı Barak Obamanın Əfqanıstandakı qüvvələrə dəstəyini bir
daha bəyan edib. Bayden Qəndəharda Əfqanıstana səfərinin ikinci günü olub. Ordu
komandirləri ona koalisiya qüvvələrinin cənubdakı fəaliyyətləri barədə qısa
məlumat verib. ABŞ yaraqlılarla mübarizə üçün il ərzində bu əraziyə 30 min
qüvvə göndərməyi planlaşdırır. NATO qüvvələrinin başçılıq etdiyi koalisiya
qüvvələrinin bəyanatında deyilir ki, Co Bayden regionda baş verənlərə dərin
maraq göstərdiyini bildirib. Belə ki,
cənab Baydenin sözlərinə görə, burada
baş verənlər hamıya təsir göstərir. ABŞ –ın növbəti prezidenti Barak Obama yanvarın
20-də səlahiyyət müddətinə başlayandan sonra İraqda müharibənin sona çatdırılması
və Əfqanıstanda mübarizə səylərinin artırılmasına söz verib.
