İrandakı bir sıra mənbələrin yaydığı məlumata görə, İranın mərkəzində
yerləşən Yəzd şəhəri universitetində nəşr edilən “Xələc” tələbə jurnalının
nəşrinə qadağa qoyulub. Bu barədə jurnal rəhbərliyinə universitetin Mədəniyyət
İdarəsi tərəfindən bildirilib. Yalnız 2 sayı işıq üzü görən Xələc Jurnalının nəşrindən dərhal sonra
Yəzd Universitetinin İslami Birliyi “Misaq” adlı jurnal buraxaraq “Xələc” jurnalına
qarşı kəskin ittihamlar səsləndirib. Tehran hakimiyyətinə yaxınlığı ilə seçilən
“Misaq” jurnalı “Xələc”in yazarlarını “Pantürkism”
və “separatçılığı” təbliğ etməkdə və “İran dövlətçiliyinə qarşı əks təbliğatda”
ittiham edib. Misaq jurnalının nəşrindən sonra isə Xələc jurnalının nəşrinə
qadağa qoyulması barədə qərar qəbul edilib. Bununla yanaşı Yəzd Universitetində təhsil alan Azərbaycan türkləri
və başqa türk kökənli tələbələrə qarşı ağır təzyiqlərə başlandığı da bildirilir.
İranın Azərbaycan vilayətlərindən başqa bu ölkənin mərkəzi və cənub vilayətlərində, o cümlədən, Fars-Şiraz, İsfahan, Ərak, Yəzd, Loristan, Çarmahal Baxtiyari, Kirman və Xuzistan kimi viləyətlərində sayı bir neçə milyonla ölçülən türk tayfaları yaşayırlar.
Azərbaycan, Xələc, Əfşar, Qaşqay türkləri və başqa türk kökənli azlıqların Yəzd universitetində təhsil alan nümayəndələri tərəfindən nəşr edilən “Xələc” jurnalının son sayında “Məşrutə Hərəkatı”, “İranda İrqçilik və Ariyaçılıq” , “Hindistanda qurulmuş Xələc-Babur İmperiyası” və professor Cavad Heyətin qələmə aldığı “21 Azər Azərbaycana qarşı mədəni soyqırım günü” kimi məqalələrə yer verilmişdi.
İranın Azərbaycan vilayətlərindən başqa bu ölkənin mərkəzi və cənub vilayətlərində, o cümlədən, Fars-Şiraz, İsfahan, Ərak, Yəzd, Loristan, Çarmahal Baxtiyari, Kirman və Xuzistan kimi viləyətlərində sayı bir neçə milyonla ölçülən türk tayfaları yaşayırlar.