Rusiyanın
yüksək vəzifəli diplomatı xəbərdarlıq edib ki, Cənubi Osetiya regionunda
Gürcüstanın zorakılıqları davam etsə, Rusiya buna göz yummayacaq. Xüsusi
nümayəndə Yuri Popov bu gün “İnterfaks” agentliyinə müsahibə verib. Onun
sözlərinə görə, hazırkı münaqişə zonası daxil olmaqla Cənubi Osetiya bəzi
Rusiya vətəndaşlarının vətənidir. Popov deyib ki, Cənubi Osetiyada hadisələr
müsbət istiqamətdə cərəyan etmir. O, habelə, cümə axşamı Gürcüstanın kabinet naziri
və Cənubi Osetiyanın ali nümayəndəsi ilə görüşəcəyini təsdiq edib. Son
xəbərdarlıqlar separatçılarla Gürcüstan hökumət qüvvələri arasındakı
toqquşmalardan sonra edilib. Son insidentlər zamanı 6 nəfər həlak olub, 15
nəfər isə yaralanıb.
