Çin
prezidenti Hu Cintaonun sözlərinə görə, Pekin Olimpiya Oyunları ölkənin insan
haqları üzrə göstəricilərinə dair şikayətləri əks etdirən siyasi foruma
çevrilməməlidir. Bu gün xarici jurnalistlərə nadir açıqlamalarından birini
verən cənab Hu deyib ki, müxtəlif millətlərin nümayəndələrinin məsələ ilə
razılaşmaması labüddür. Ancaq Çin liderinin sözlərinə görə, siyasətin
müzakirəyə çıxarılması Olimpiya əhval-ruhiyyəsinə mənfi təsir göstərir. Hu
habelə əlavə edib ki, oyunların iqtisadi və mənəvi təsirləri qarşıdakı illərdə
də Çində qalacaq. Çin prezidenti ölkəsinin günəş enerjisi də daxil olmaqla elmi
və texniki innovasiyalardan istifadə etdiyini bildirib.
