Kreml
rəsmilərinin bildirdiyinə görə, Rusiya milyarderi, Böyük Britaniya futbol klubu
Çelsinin sahibi Roman Abramoviç ölkənin Sakit okean sahili regionu Çukotkanın
qubernatorluğundan istefa verib. O, Berinq boğazı yaxınlığındakı seyrək əhaliyə
malik müxtariyyətin qubernatorluğundan azad edilməsini xahiş edib. Kremlin
mətbuat xidmətinin açıqlamasında deyilir ki, Abramoviç öz istəyi ilə vəzifəsini
tərk edir. Abramoviçin sözçüsü də istefanı təsdiq edib, ancaq “Reuters”
agentliyinin bildirdiyinə görə, bu addımın nə ilə bağlı olması haqda ətraflı
məlumat verməyib. 41 yaşlı Abramoviç Rusiyanın ən varlı biznesmenlərindən
biridir. Onun 23 milyard dollara sahib olduğu bildirilir.
