ABŞ-ın Fəza və Aeronaftika Agentliyi NASA Endevor şatlını 16 günlük missiyaya ilə Beynəlxalq Fəza stansiyasına göndərib. Şatl tərkibində yeddi astronaftla Florida ştatındakı Kennedi Fəza mərkəzindən səhər tezdən fəzaya yollanıb. Bu, NASA-nın Beynəlxalq Fəza stansiyasına göndərdiyi 25-ci missiyadır.
Endevor Yaponiyanın fəza laboratoriyasının ilk modulunu və açıq kosmosda astronaftların gördüyü bəzi işləri yerinə yetirə biləcək Kanada robotunu stansiyaya çatdıracaq. Uçuşlar nəzərdə tutulduğu kimi getsə, yapon dilindən ümid kimi tərcümə edilən Kibo laboratoriyasının sonuncu modulu Beynəlxalq Fəza stansiyasına gələn il çatdırılacaq.