İraqa səfər edən İran prezidenti Mahmud Əhmədinejad deyib ki, onun səfəri keçmiş iki düşmən ölkə arasında yeni münasibətlərin başlanğıcı deməkdir. Bu gün Bağdada gələn Əhmədinejad dərhal İraq prezidenti Cəlal Talabani ilə görüşmüşdür. Görüşdən sonra liderlərin birgə keçirdiyi mətbuat konfransı zamanı cənab Əhmədinejad danışıqların müsbət şəraitdə keçdiyini, bir çox məsələlərdə liderlər arasında anlaşmanın mövcud olduğunu və onların siyasi, iqtisadi və mədəni sahələrdə əlaqələrin möhkəmləndiriliməsi əzmində olduqlarını bildirdi.
İraq prezidenti Cəlal Talabani isə deyib ki, İraq İranda ruhanilərin hakimiyyətinə qarşı olan Mocaheddini- Xalq yaraqlı qrupunun ölkədən çıxarılmasına çalışır.