Əfqanıstandakı ağır hava şəraiti səbəbi ilə 750-dən artıq adamın həlak olduğu bildirilir. Milli Fəlakət menecmentinin rəsmiləri ağır qar səbəbi ilə 500-dən artıq evin sıradan çıxıdığını, on minlərlə evə ziyan dəydiyini bildirir. Kəndlərə aparan əsas yollar bağlanıb. Şaxtalı hava iribuynuzlu mal-qaranın məhvinə yol açıb. Bəzi valideynlər yedizdirə bilmədikləri üçün uşaqlarını satmağa məcbur olub. Soyuq hava şəraiti onsuz da ərzaq qıtlığı çəkən Əfqanıstanda taxılın qiymətini iki dəfə artırıb.
