Los Ancelesin "sığınacaq şəhər" olmağa dair qərarı şəhərdə yaşayan sənədsiz immiqrantlara ümid verir

Los Anceles şəhəri “sığınacaq şəhər” olmaqla bağlı qərar qəbul edib. Bu qərar Prezident seçilən Donald Trampın yanvar ayında vəzifəyə gələndən sonra kütləvi deportasiyalar həyata keçirmək vədinə cavab olaraq verilir. Qərar federal rəsmilərin sənədsiz immiqrantları deporatasiya etmələrinin qarşısını almasa da, şəhərin immiqrant əhalisini qoruyacağına dair vədini gücləndirir.