Təhlükəsizlik mənbələrinin bildirdiyinə görə, İranın dəstəklədiyi Hizbullah qruplaşmasına qarşı hücumu zamanı İsrail, Livan paytaxtı Beyrutun mərkəzini hədəf alıb.
Səhiyyə rəsmilərinə istinadən Hizbullahın Əl-Manar yayımçısının bildiryinə görə, Beyrutun Basta məhəlləsində baş verən hücumda azı 4 nəfər ölüb, 23 nəfər yaralanıb.
Livanın Milli Xəbər Agentliyi şənbə günü səhər saatlarında hücumun çoxlu sayda ölüm və yaralanma ilə nəticələndiyini və səkkiz mərtəbəli binanın dağıldığını bildirib. Livanın Əl-Cədid stansiyası tərəfindən yayımlanan görüntülərdə ən azı bir binanın dağıdıldığı və bir neçə binanın ətrafına ciddi ziyan dəydiyi göstərilir.
Agentlik bildirir ki, İsrail zərbə zamanı bunker bombalarından istifadə edərək dərin krater buraxıb. Hücumdan bir neçə saat sonra Beyrutdan güclü partlayıcı iyi gəlirdi.
Reuters hadisənin şahidlərinə istinadən bildirir ki, partlayışlar paytaxtı səhər saat 4 radələrində silkələyib. Təhlükəsizlik mənbələri hücumda ən azı dörd bombanın atıldığını bildirib.
İsrail Qəzza müharibəsinən başlamasından təxminən sonra sərhəd ərazisində təxminən bir ilə yaxın davam edən gərginlikdən sonra sentyabr ayında Livanda Hizbullaha qarşı böyük bir hücuma başlayın.
Münaqişə HƏMAS-ın 2023-cü ilin oktyabrın 7-də İsrailin hücumundan sonra başlayan müharibə dövründə Hizbullahın HƏMAS-la həmrəy olaraq İsrail ərazinə atəş açması nəticəsində başlayıb.
Həmin hücumda HƏMAS militantları 1200 nəfəri öldürüb, 250-yə yaxın insanı girov götürüb. İsrail HƏMAS-ın hələ də 101 girovu saxladığına, onlardan 35-inin öldüyünə inandığını bildirib.
İsrailin Qəzzadakı əks-hücumunda döyüşçülərlə mülki əhali arasında fərq qoymayan ərazinin səhiyyə nazirliyinə görə, 44 mindən çox insan həlak olub.
Qəzzadakı HƏMAS və Livandakı Hizbullah ABŞ, Böyük Britaniya və digər Qərb ölkələri tərəfindən terror qrupları kimi tanınıb.
ABŞ vasitəçisi atəşkəsi təmin etmək üçün bu həftə Livan və İsrailə səfər edib. Səfir Amos Hokstin İsrailin baş naziri Binyamin Netanyahu və müdafiə naziri İsrael Katzla görüşə getməzdən əvvəl çərşənbə axşamı və çərşənbə günü Beyrutda keçirilən görüşlərdən sonra irəliləyiş əldə edildiyini bildirib.