Rusiya dronunun noyabrın 22-si səhər saatlarında Ukraynanın şimal-şərqindəki Sumı şəhərinə hücumu nəticəsində 2 nəfər ölüb, 12 nəfər yaralanıb.
Polisin bildirdiyinə görə, yerli vaxtla səhər saat 5 radələrində üç pilotsuz təyyarənin şəhərə hücumu nəticəsində on iki yaşayış binası, beş şəxsi yaşayış evi, bir mağaza və üç avtomobil zədələnib.
Sumı vilayətinin qubernatoru Volodimir Artyux bildirib ki, Rusiya qüvvələri şəhərin sıx məskunlaşdığı əraziyə hücum üçün pilotsuz təyyarələri qəlpələrlə təchiz ediblər.
"Bu silahdan... yalnız insanları (öldürmək) üçün istifadə olunur", - Artyux zədələnmiş binadakı çatlara işarə edərək deyib. “Obyekt deyil, daha çox insanı məhv etmək üçün”.
Hücumdan sonra Sumı regional hərbi administrasiyasının yaydığı videoda zədələnmiş avtomobillər və pəncərələri partlamış binalar əks olunub.
Rusiya son həftələrdəregionu və onun kritik infrastrukturunu ölümcül hücumlarla hədəf alıb.
Çərşənbə axşamı bölgənin kiçik Xluxiv şəhərinə bir gecədə pilotsuz təyyarənin hücumu nəticəsində biri uşaq olmaqla 12 nəfər həlak olub.
Bazar günü axşam saatlarında Sumıya raket hücumu nəticəsində 11 nəfər ölüb, daha 89 nəfər yaralanıb, bununla yanaşı, bölgənin inzibati mərkəzi elektriksiz qalıb.