Qəzzanın mülki müdafiə agentliyi şənbə günü bildirib ki, İsrailin gecə ərzində hava hücumları nəticəsində qadınlar və uşaqlar da daxil olmaqla ən azı 14 fələstinlini ölüb. İsrail ordusu isə ərazinin şimalında onlarla militantı məhv etdiyini bildirib.
Mülki müdafiə sözçüsü Mahmud Bassalın AFP-yə verdiyi məlumata görə, zərbələrdən biri Xan Yunisin cənubundakı fələstinlilərin məskunlaşdığı çadırları vurub və nəticədə azı 9 nəfər həlak olub.
Fələstin Qızıl Ayparası da ölənlərin sayını təsdiqləyərək, daha 11 nəfərin zərbə nəticəsində yaralandığını və Nasser xəstəxanasına aparıldığını bildirib.
Bassal bildirib ki, ikinci hava zərbəsi zamanı İsrail döyüş təyyarələri Fəhad Əl-Sabah məktəbini vurması beş nəfərin ölümünə və təxminən 22 nəfərin yaralanmasına səbəb olub. Sözçü əlavə edib ki, bu məktəb minlərlə köçkün üçün sığınacağa çevrilib.
Bassal ölən və yaralananların Əl-Əhli Ərəb Xəstəxanasına çatdırıldığını bildirib.
Son aylarda ordu İsrailin fələstinli militantların fəaliyyət göstərdiyi bildirdiyi sığınacaqlara çevrilmiş bir neçə məktəbə zərbələr endirib.
Bu arada İsrail ordusu bildirib ki, əsgərləri HƏMAS-ın yenidən qruplaşmasının qarşısını almaq üçün bir aydan artıqdır ki, havadan və qurudan genişmiqyaslı əməliyyat keçirdikləri Qəzzanın şimalındakı Cəbəliya bölgəsində “onlarla terrorçunu” məhv ediblər.
Hərbçilər əlavə ediblər ki, İsrail qüvvələri də ərazinin cənubundakı Rəfah bölgəsində bir neçə silahlını məhv edib.
Hərbçilər hazırda Livanda Hizbullah və Qəzzada HƏMAS ilə döyüşən iki cəbhəli müharibə aparır.
Həm HƏMAS, həm də Hizbullah ABŞ, Böyük Britaniya və digər Qərb ölkələri tərəfindən terror qrupları kimi tanınıb.
İsrailin Qəzzada müharibəsi 2023-cü il oktyabrın 7-də HƏMAS silahlılarının İsrailə hücumundan sonra başlayıb.
Həmin hücumda HƏMAS militantları 1200 nəfəri öldürüb, 250-yə yaxın girovu əsir götürərək Qəzzada müharibəyə səbəb olub. İsrail, HƏMAS-ın hələ də 101 nəfəri girov saxladığına inandığını, o cümlədən hərbçilərin 35-inin öldüyünü bildirir.
İsrailin Qəzzadakı əks-hücumunda 43 mindən çox insan həlak olduğunu bildirilir. Bu məlumatı verən ərazinin səhiyyə nazirliyi açıqladığı rəqəmlərdə döyüşçülər və mülki şəxslər arasında fərq qoymur.