Birləşmiş Ştatlar Vaşinqtonun terror təşkilatı kimi tanıdığı fələstinlilərin Azadlıq Xalq Cəbhəsi (AXC) üçün əsas beynəlxalq maliyyə vəsaiti topladığına görə Samidoun Fələstinli Məhbus Həmrəylik Şəbəkəsinə sanksiyalar tətbiq edib.
ABŞ Maliyyə Nazirliyi Kanada ilə birlikdə yaydığı bəyanatda Samidoun Fələstinli Məhbus Həmrəylik Şəbəkəsinə AXC üçün "beynəlxalq ianə toplayan saxta bir xeyriyyəçilik"də günahlandıraraq ona sanksiya tətbiq etdiyini bildirib.
Qəzzada İsrailə qarşı mübarizədə də iştirak edən AXC 1997-ci ilin oktyabrında və 2001-ci ilin oktyabrında ABŞ tərəfindən müvafiq olaraq Xarici Terror Təşkilatı və Xüsusi Təyin olunmuş Qlobal Terrorçu elan edilib.
ABŞ Maliyyə Nazirliyi bildirib ki, AXC Samidoundan Avropa və Şimali Amerikada pul yığmaq üçün istifadə edir. Qrupun fəaliyyəti ötən il Almaniya tərəfindən qadağan edilib.
Maliyyə nazirlinin terrorizm və maliyyə kəşfiyyatı üzrə müavini Bradli Smit "Samidoun kimi təşkilatlar ehtiyacı olanlara humanitar yardım göstərdiklərini iddia edən xeyriyyəçi aktyorlar kimi görünsələr də, əslində vəsaitləri terror qrupların dəstəklənməsinə yönəldirlər" - deyə, bəyanatda bildirib.
Samidoun Fələstin Məhbus Həmrəylik Şəbəkəsi Reuters-in şərh sorğusuna hələ cavab verməyib.
AXC-nin xaricdəki rəhbərliyinin üzvü də sanksiyalara məruz qalıb.
Kanada çərşənbə axşamı Samidounu terrorçu təşkilatlar siyahısına saldığını elan edib. Kanadanın İctimai Təhlükəsizlik Naziri Dominik LeBlank siyahıya dair açıqlama verərək, "Zorakı ekstremizm, terror aktları və ya terrorizmin maliyyələşdirilməsinin Kanada cəmiyyətində və ya xaricdə yeri yoxdur" deyib.
Maliyyə Nazirliyi AXC-nin İsraillə HƏMAS arasındakı münaqişədə fəallığını davam etdirdiyini, o cümlədən İsrailin 7 oktyabrda İsrailə qarşı 1200 nəfərin öldüyü və təxminən 250 nəfərin Qəzzaya girov götürüldüyü hücumda iştirak etdiyini bildirib.
Qəzzanın səhiyyə orqanlarının məlumatına görə, indiyədək hücumlarda 42 mindən çox fələstinli həlak olub.