İsrail qüvvələri HƏMAS liderlərinin hücumun davam edən atəşkəs danışıqlarına zərər verə biləcəyi barədə xəbərdarlıqlarına baxmayaraq, Qəzza şəhərində əməliyyatı dərinləşdirib. İsrail hərbçiləri bildiriblər ki, qüvvələr Şecayya bölgəsində döyüşür və onlarla militant öldürülüb.
BMT-nin İnsan Haqları Bürosu əməliyyatlar və İsrailin mülki şəxslərin təxliyəsi ilə bağlı son göstərişlərindən narahatlığını bildirib. BMT agentliyinin bildirdiyinə görə, bazar günü verilən əmrlərdə mülki şəxslərdən təhlükəsizlik üçün Qəzza şəhərinin qərbinə doğru hərəkət etmələri tələb olunub, ancaq bundan sonra İsrail Müdafiə Qüvvələri (IDF) həmin dəhlizlərə zərbələrini gücləndirib.
“BMT-nin İnsan Haqları İdarəsi dəfələrlə İDF-nin təxliyə əmrlərinin çaşdırıcı olması ilə bağlı narahatlıqlarını dilə gətirib və tez-tez insanlara İDF-nin hərbi əməliyyatlarının davam etdiyi ərazilərə köçmələri barədə göstəriş verib. Biz İsraili Qəzzada dinc sakinlərin təhlükəsizliyini təmin etmək üçün bütün səyləri göstərmək çağırışımızı bir daha təkrar edirik”, agentliyin açıqlamasında deyilir.
Misirdəki vasitəçilər Qəzzada döyüşləri dayandırmağa çalışırlar.
Ağ Ev bazar ertəsi bildirib ki, ABŞ rəsmiləri İsrail və HƏMAS arasında atəşkəs razılaşması əldə etmək üçün Misirə müzakirələr keçirir.
Ağ Evin milli təhlükəsizlik sözçüsü Con Kirbi jurnalistlərə bildirib ki, Mərkəzi Kəşfiyyat İdarəsinin direktoru Bill Börns və ABŞ-ın Yaxın Şərq üzrə nümayəndəsi Brett Makqurk Misir, İsrail və İordaniyadan olan həmkarları ilə danışıqlar aparmaq üçün Qahirədə olublar.
"Hər iki tərəfin mövqeyində hələ də bəzi boşluqlar var, lakin burada bir şansımız olduğunu düşünməsəydik, oraya komanda göndərməzdik. Biz çalışırıq ki, bacardığımız qədər bu boşluqları dolduraq” Kirbi deyib.
HƏMAS oktyabrın 7-də İsrailə qarşı müharibəyə səbəb olan hücumda 1200 nəfəri öldürüb, 250-yə yaxın insanı girov götürüb.
Səhiyyə Nazirliyinin məlumatına görə, İsrailin Qəzzada həyata keçirdiyi əks-hücum nəticəsində Qəzzada 38 min 100-dən çox fələstinli həlak olub.
İsrail HƏMAS-ın hələ də 116 nəfəri girov saxladığına inandığını, o cümlədən hərbçilərin 42-nin öldüyünü bildirir.