İctimai fəallar Elgiz Qəhrəman və Murad Rüstəmbəylinin ölkədən çıxışlarına məhdudiyyət qoyulub. Bu barədə məlumatı Amerikanın Səsinə fəallar özü verib.
Onlar bildirb ki, fəallar bu barədə müxtəlif vaxtlarda Heydər Əliyev adına Beynəlxalq Hava Limanında Dövlət Sərhəd Xidməti əməkdaşları tərəfindən məlumat alıblar. Fəallara deyilib ki, məhdudiyyət Daxili İşlər Nazirliyi tərəfindən qoyulub, ancaq məhdudiyyətin səbəbi ilə bağlı məlumat verilməyib.
Rəsmi qurumlardan məsələ ilə bağlı mövqe almaq mümkün olmayıb.