ABŞ-nın Bakıdakı səfirliyi mədəniyyətlərarası mübadilə üçün yeni platforma elan edib.
Səfirliyin məlumatına görə, ABŞ səfirliyi mədəniyyatyərarası mübadilə üçün Facebook və Instagram şəbəkələrində Virtual American Spaces Azerbaijan adlı səhifələr yaradıb.
“Virtual bağlantılar üzərində inkişaf edən dünyada bu dinamik və interaktiv platformanın işə salınması Azərbaycanın bütün bölgələrindən olan tələbələr və mütəxəssislər üçün canlı yayımlanan təqdimatlar, müzakirələr və digər interaktiv fəaliyyətlər vasitəsilə Amerika mədəniyyəti, ingilis dili, ABŞ-da təhsil və digər əlaqəli mövzular haqqında daha çox məlumat əldə etmək üçün vahid bir məkan rolunu oynayacaq”, məlumatda qeyd edilir.
Səfirlik bildirir ki, gələcəkdə keçiriləcək tədbirlər haqqında məlumat əldə etmək üçün Facebook və Instagram-da @VirtualAmericanSpaces-i izləmək lazımdır.
İlk tədbirlər “ABŞ Səfirliyinin Mübadilə Proqramları: Mübadilə Proqramı Müraciətləri və Müsahibələrdə Uğur qazanmaq üçün Məsləhətlər” martın 18-də, “Tələbələr üçün Media Savadlılığı üzrə Təlim” martın 15-də və 18-də, “Peşəkarlar üçün Media Savadlılığı” martın 27 və 29-da baş tutacaq.