Çərşənbə axşamı İslandiyada həftələrdir davam edən seysmik aktivliyin paytaxtın cənub-qərbindəki bölgəni yüksək həyəcan vəziyyətinə salmasının ardınca ərimiş lava geyzerləri qaranlıq gecə səmasını bürüyüb.
Balıqçı şəhəri Qrindavikdən bir qədər şimalda yerləşən Reykyanes yarımadasındakı püskürmə bazar ertəsi saat 22:17 radələrində başlayıb.
Bunu zəlzələdən sonra İslandiya Meteorologiya İdarəsi bir sıra kiçik titrəyişlərə istinad edərək bildirib.
Püskürmənin canlı yayımlanan görüntüləri qırmızı tüstüdən ibarət dalğalanan buludlarla əhatə olunmuş yarıqdan püskürən lavanın parıltılı narıncı şleyflərini göstərib.
Baş nazir Katrin Yakobsdottir Facebook-da yazıb: "Biz ən yaxşısına ümid edirik, lakin aydındır ki, bu, böyük bir püskürmədir".
Skandinaviya ölkəsi həftələrdir ki, güclü zəlzələ fəaliyyətindən sonra paytaxtın cənub-qərbindəki yarımadada püskürmə gözləyirdi ki, bu da səlahiyyətliləri minlərlə insanı evakuasiya etməyə və firuzəyi suları ilə məşhur olan Blue Lagoon geotermal kurortunu bağlamağa vadar edib.
Meteorologiya bürosunun hesablamalarına görə, vulkanın cənub ucu Qrindavikdən cəmi üç kilometr aralıda olmaqla, təxminən dörd kilometr uzunluğunda bir çat açıb.
Səhər saat 3-ə qədər meteorologiya idarəsi püskürmənin intensivliyinin sabitləşdiyini bildirsə də, onun nə qədər davam edəcəyini təxmin edə bilməyib.
Prezident Qudni Torlakius Cohannesson əvvəllər Twitter kimi tanınan X sosial media platformasında yazıb: "Biz indi təbiət qüvvələrinin nə edəcəyini gözləyirik". O əlavə edib ki, həyat və infrastrukturun qorunması prioritetdir.
Mülki Müdafiə Departamentinin rəhbəri Vidir Reynisson yerli televiziya ilə insanları ərazidən uzaq durmağa çağırıb: "Bu, turistlər üçün bir püskürmə deyil".
Landsnet kommunal şirkəti Facebook-da yazıb ki, püskürməni çox diqqətlə izləyir. Qlobal səyahətə mane ola biləcək mümkün təxribatın püskürmədən əvvəlki qorxulara baxmayaraq, Reykyavik beynəlxalq hava limanı açıq olub.
Operator şirkəti İSAVİA bildirib: "Hələlik Keflavik hava limanında eniş və ya gediş-gəlişdə heç bir fasilə yoxdur".
Oktyabr ayından bəri Reykyanes yarımadasında yaxınlaşan vulkan püskürməsinin mümkün xəbərçisi olan minlərlə zəlzələ müşahidə edilib.
Reykyavikdən təxminən 40 kilometrlik məsafədə yerləşən Qrindavik balıqçı limanından 11 noyabrda alimlərin onun altında maqma tunelinin sürüşdüyünü müəyyən eməsindən sonra təxminən 4000 insan təxliyə edilib.
Sakinlər AFP agentliyinə bir sıra kiçik zəlzələlərin (bəzən gündə yüzlərlə) yollara və binalara ziyan vurduğunu deyib. O vaxtdan bəri insanlara yalnız müəyyən gündüz saatlarında evlərinə baş çəkməyə icazə verilib.
33 aktiv vulkan sisteminə ev sahibliyi edən İslandiyada vulkan püskürmələri qeyri-adi deyil. Bu da Avropada ən yüksək göstəricidir.
Reykyanes yarımadası 2021-ci ilə qədər səkkiz əsr püskürmə ilə üzləşməyib.