Reuters və Agence France-Presse hər biri oktyabrda Livanın cənubunda jurnalistin ölümü və 6 nəfərin yaralanması ilə nəticələnən hücumla bağlı araşdırma dərc edib. Bildirilib ki, onların tapıntıları qrupun İsrail tanklarının güllələri ilə vurulduğunu göstərir.
Media təşkilatlarının hər biri video yazıları, peyk şəkillərini, şahid ifadələrini və döyüş sursatı fraqmentlərini nəzərdən keçirmək üçün ekspertlərlə işləmiş və belə nəticəyə gəlmişlər ki, mərmilər yalnız İsrail ordusunun istifadə etdiyi 120 mm-lik tank mərmiləridir.
Hücum oktyabrın 13-də jurnalistlərin İsrail hərbçiləri ilə fələstinli döyüşçülər arasında sərhədyanı toqquşmaların baş verdiyi yaxınlıqdakı ərazilərin videosunu çəkmək üçün Livanla sərhəddə yerləşən Alma əl-Çaab kəndi yaxınlığında baş verib.
Reuters və AFP bildirib ki, gödəkçələr və dəbilqə geyinmiş jurnalistlərin mətbuat mənsubları olduğu aşkar idi. Xəbər agentliklərinin bildirdiyinə görə, qrupa qarşı tank mərmisi, daha sonra isə ikinci raket zərbəsi endirilib.
Reuters agentliyinin jurnalisti İssam Abdulla həlak olub, onun iki həmkarı və bir AFP jurnalisti yaralananlar arasındadır.
Cümə axşamı ABŞ Dövlət Departamentində Dövlət katibi Antoni Blinken Reuters jurnalistinin sualına cavab olaraq itki ilə bağlı dərin hüznlə başsağlığı verib.
“Əslində jurnalist kimi karyerasına başlamış biri kimi bu, mənim ürəyimə yaxın və əziz olan bir şeydir”, Blinken deyib. O əlavə edib ki, bu hücumun tam və hərtərəfli araşdırılması vacibdir.
Reuters agentliyi İsrail Müdafiə Qüvvələrinin beynəlxalq sözçüsü polkovnik-leytenant Riçard Heçtdən sitat gətirib: “Biz jurnalistləri hədəf almırıq”.
AFP Global News-un direktoru Fil Çetvaynd İsraili baş verənlərlə bağlı aydın izahat verməyə çağırıb.
"Media kimi açıq şəkildə müəyyən edilmiş bir qrup jurnalistin hədəf alınması həm izaholunmaz, həm də qəbuledilməzdir", Çetvaynd deyib.
Human Rights Watch hücumla bağlı öz araşdırmasını aparıb. HRW jurnalistlərin işlədiyi yerin yaxınlığında hərbi hədəfə dair heç bir dəlil olmadığını bildirib. Qrup bildirib ki, “görünür, mülki şəxslərə qəsdən hücum olub, bu, müharibə cinayətidir”.
Hücumu nəzərdən keçirən Amnesty International bunun "müharibə cinayəti kimi araşdırılmalı və mülki şəxslərə birbaşa hücum" olduğu qənaətinə gəlib.