Sentyabrın 15-də Azərbaycanda paytaxt Bakının azad edilməsinin 105-ci ildönümü qeyd edilir. Bu gün ölkə ictimaiyyəti, ictimai-siyasi təşkilatlar Azərbaycanda həlak olmuş Türkiyə hərbçilərinin məzarlıqlarını ziyarət edir, gül çələngləri ilə onların xatirıəsini yad edir.
1918-ci il sentyabrın 15-də Nuru Paşanın rəhbərlik etdiyi Qafqaz İslam Ordusu və Azərbaycan Xalq Cümhuriyyətinin milli ordusu Bakını “Sentrokaspi diktaturası" hökumətinin eser-menşevik hərbi birliklərindən, ingilis ekspedisiya qruplaşmasından azad edib. Bundan sonra 1918-ci il mayın 28-də elan edilmiş Azərbaycan Xalq Cümhuriyyəti hökuməti Gəncədən Bakıya köçüb.
Tarixi məlumatlara görə, Bakının azadlığı uğrunda döyüşlərdə minə yaxın türk əsgər və zabiti, beş mindən çox Azərbaycan vətəndaşı həlak olub.
Bakıda hakimiyyət Azərbaycan Xalq Cümhuriyyəti hökumətinin əlinə keçdikdən sonra Qafqaz İslam Ordusunun bir hissəsi regiona göndərilib, Nuru Paşa yerlərdə hissələrə rəhbərlik etmək üçün Ağdama gedib. Tezliklə onun rəhbərlik etdiyi ordu Şuşaya daxil olub və Azərbaycan bayrağını şəhərin üzərində qaldırıb.
Bu gün, sentyabrın 15-də Azərbaycan Müdafiə Nazirliyinin bir qrup hərbi qulluqçusu Bakı şəhərinin azad edilməsinin 105 illiyi ilə əlaqədar olaraq "Türk Şəhidliyi" abidəsini ziyarət edib. Abidə qarşısına Müdafiə Nazirliyi adından qızılgül çələngi qoyulub, şəhidlərin xatirəsi yad edilib.
Azərbaycan hərbçiləri Türk şəhidliyini ziyarət edir (Mənbə: Azərbaycan Müdafiə Nazirliyi)
Azərbaycan Xarici İşlər Nazirliyi (XİN) rəsmi X (keçmiş Twitter) hesabında bildirib ki, 15 sentyabr Azərbaycan və Türkiyə xalqları arasındakı qardaşlığın ən böyük təzahürlərindən biri kimi tarixə yazılıb.
On this day, 105 years ago, Baku was liberated from the dashnak-bolshevik occupation.September 15 is inscribed in history as one of the greatest manifestations of the brotherhood between Azerbaijani and Turkish nations.Happy Liberation Day! 🇦🇿 pic.twitter.com/FWVJrZetv4
— MFA Azerbaijan 🇦🇿 (@AzerbaijanMFA) September 15, 2023
Türkiyə Xarici İşlər Nazirliyinin Bakının azad olunmasının 105-ci ildönümü münasibətilə təbrikində deyilir ki, bu gün Azərbaycan dövlət tarixində şərəfli gündür.
Can #Azerbaycan’ın güzel başkenti Bakü’nün işgalden kurtarılmasının 105. yıl dönümünde Azerbaycanlı kardeşlerimizi kutluyor, bağımsızlık uğrunda can veren tüm şehitlerimizi saygıyla anıyoruz. #TekMilletİkiDevlet🇹🇷🇦🇿 pic.twitter.com/xhZmjuLUYP
— T.C. Dışişleri Bakanlığı (@TC_Disisleri) September 15, 2023
"Can Azərbaycanın gözəl paytaxtı Bakının işğaldan azad edilməsinin 105-ci ildönümü münasibətilə azərbaycanlı qardaşlarımızı təbrik edir, müstəqillik uğrunda canlarından keçən bütün şəhidlərimizi hörmətlə yad edirik", Türkiyə Xarici İşlər Nazirliyi X hesabında qeyd edib.
Türkiyə Milli Müdafiə Nazirliyi də Bakının işağldan azad olunmasının 105 illiyi ilə Azərbaycan xalıqını təbrik edib.
#Bakü’nün düşman işgalinden kurtuluşunun 105’inci yılı kutlu olsun. Azerbaycan Türkü kardeşlerimizi yalnız bırakmayan Nuri (Killigil) Paşa’yı ve onun komutasındaki Kafkas İslam Ordusu’nun kahramanlarını saygıyla ve rahmetle anıyoruz. 105 yıl önce olduğu gibi bugün de… pic.twitter.com/4WJXQEg5Q5
— T.C. Millî Savunma Bakanlığı (@tcsavunma) September 15, 2023
"Bakının düşmən işağlından azad olunmasının 105-ci ilini təbrik edirik. Azərbaycan türkü qardaşlarımızı yalnız qoymayan Nuru Paşanı və onun komandanlığı ilə Qafqaz İslam Ordusunun qəhrəmanlarını hörmət və sevgi ilə yad edirik. 105 il öncə olduğu kimi, bu gün də Azərbaycan türkü qardaşlarımızla tək ürək, tək yumruq olmağa davam edəcəyik", Milli Müdafiə Nazirliyi X hesabında qeyd edib.
Türk şəhidliyi abidəsi
Azərbaycan Xalq Cəbhəsi Partiyasının sədri Əli Kərimlinin təbrikində deyilir ki, normal halda bu gün - Bakının işğaldan azad edildiyi gün ölkəmizin ən mühüm bayramlarından biri olmalıdır.
“Bakının rus - erməni işğalından azad edilib, yenicə yaranmış Azərbaycan dövlətinin paytaxtına çevrilməsi fikrimcə, Azərbaycan Xalq Cümhuriyyətinin yaranmasından sonra tariximizin ikinci ən mühüm və şərəfli səhifəsidir. Nuru paşa başda olmaqla Bakının azad edilməsi uğrunda döyüşmüş qardaş Türkiyənin Qafqaz İslam Ordusunu minnətdarlıqla anırıq. Bayramınız mübarək, əziz həmvətənlər!” Kərimli facebook səhifəsində qeyd edib.