Xəstəxanadan çıxandan iki gün sonra Roma Papası Fransis bazar günü müqəddəs Pyotr meydanında xalqı salamlamaq adətini bərpa etdi, əməliyyatdan sonra aldığı rahatlığa görə təşəkkürünü ifadə etdi. O, həmçinin “Yaşasın Papa!” qışqıran izdihama təşəkkür etdi.
Nitqinə başlamazdan əvvəl Fransis "məhəbbət, diqqət və dostluq" üçün minnətdarlıq etdi və 7 iyun qarın əməliyyatı üçün Roma xəstəxanasında yerləşdirildikdən sonra duaların dəstək olduğuna görə əminliyini bildirdi.
"Bu insani və mənəvi yaxınlıq mənim üçün böyük kömək və rahatlıq oldu" – deyə Fransis təxminən 15 min insanın önündə çıxış edərək bildirdi: "Hamınıza təşəkkür edirəm, sizə təşəkkür edirəm, ürəkdən təşəkkür edirəm."
Apostol Sarayının pəncərəsində görünən Papanın həftəlik günorta saatlarında çıxışları üçün gələn minlərlə romalı, turist və zəvvar adətən Papanı alqışlarla qarşılayırlar. Lakin bu dədf alqışlar daha ucadan səslənirdi. Fransis ümumi anesteziya altında üç saat davam edən cərrahiyyə əməliyyatı səbəbilə iyunun 11-də bazar günü çıxışını buraxmağa məcbur olmuşdu.