Aktyor, müğənni, rejissor və ictimai xadim Vaxtanq Kikabidze Gürcüstanda 84 yaşında vəfat etdi.
Aktyorun ölümü haqda xəbəri Gürcüstanın “Mtavari arxi” televiziya kanalı xəbər verib. Məlumatda Kikabidzenin xəstəlikdən sonra vəfat etdiyi bildirilib, amma dəqiq səbəb qeyd edilməyib.
1980-ci ildə Gürcüstanda xalq artisti adını qazanan Vaxtanq Kikabidze Georgi Daneliyanın filmlərində rollarına və vokal estrada çıxışlarına görə 1970-ci illərdə SSRİ ərazisində məşhurlaşmışdı.
2008-ci ildə Rusiya-Gürcüstan müharibəsindən sonra Kikabidze Rusiyada çıxış etməyi dayandırdı. O həmçinin 2014-cü ilin Krımın ilhaqı və 2022-ci ildə Rusiyanın Ukraynaya hərbi müdaxiləsini qınayıb.
Kikabizde 20 il daha cavan olsaydı “əlinə silah alıb qardaş ölkəni qorumağa” gedəcəyini bildirmişdi.