Qubad İbadoğlu: Azərbaycan hakimiyyəti elə siyasət aparmalıdır ki, qiymətlər bazarlar vasitəsilə müəyyənləşdirilsin

Tariff Şurası bu həftə Azərbaycanda benzin və dizel üzrə təchizat tarifləri, eləcə də ali məktəblər, kolleclər və magistraturaya qəbul imtahanları üçün yeni tarifləri müəyyənləşdirib. Şuranın qərarı ilə həmçinin yeni dövlət qeydiyyatına alınan dərman vasitələrinin qiyməti təsdiq edilib və dərmanların qiymətləri artırılıb. İqtisadçı ekspert Qubad İbadoğlu hesab edir ki, Tariff Şurasının qərarları benzin və dizel yanacağının qiymət artımı, habelə nəqliyyatda gediş haqqını artırılması ilə bağlı gözləntiləri doğruldur. Hazırda London İqtisadiyyat və Siyasət Elmləri Məktəbinin baş elmi işçisi kimi çalışan iqtisadçı alim Qubad İbadoğlu Amerikanın Səsinə müsahibədə Tariff Şurasının qərarları və bununla bağlı iqtisadi gözləntiləri təhlil edib.