Heyvan haqları müdafiəçilərinin məhkəmə prosesi keçirilib

Sentyabrın 13-də Xətai Rayon Məhkəməsində heyvan haqları müdafiəçilərinin məhkəmə prosesi keçirilib. Məhkəmə xüsusi ittiham qaydasında şikayətin icraata qəbul edilməsi barədə qərar qəbul edib. "Toplan" Sahibsiz İtlərə Qayğı Mərkəzinin əməkdaşları Günel Musayeva və Cəlal Məlikov heyvansevər fəallar barəsində cinayət işi açılması üçün məhkəməyə müraciət edib. Təhqir və böhtan əməllərində ittiham olunan Aynur Babazadə, Nicat İsmayılov, Elxan Mirzəyev və İlhamə Nəsirovadan 100 000 manat məbləğində təzminat tələb edilir.