"Sovetski" sakinləri Milli Məclisin qarşısında etiraz edib

Bakının "Sovetski" adlanan ərazisində yaşayan sakinlər Milli Məclisin binası qarşısında etiraz ediblər. Onlar iddia edir ki, evlərindən zorla çıxarılıblar, alqı-satqı müqaviləsini bağlamağa məcbur ediliblər. Sakinlər bildirirlər ki, köçürülən vətəndaşlara torpaq pulu hələ də verilməyib. Etiraz edən sakinlər bu günə qədər aidiyyəti dövlət qurumlara müraciət etsələr də, şikayətlərinə baxılmadığını bildiriblər. Onlar deyir ki, tələbləri yerinə yetirilənədək etirazlara davam edəcəklər. Daha sonra sakinlərdən 3 nəfər Milli Məclisin nümayəndələrinin qəbuluna dəvət ediliblər. Ərazidəki polis əməkdaşları isə aksiya iştirakçılarını əraziyə gətirilən avtobuslara minmələrini tələb edib.