Kərim Əsgəri İran prezidentinin xarici siyasətini şərh edir

“Prezident Həsən Ruhani dönəmində İranın xarici siyasəti ölkənin əsas prinsipləri baxımından dəyişməsə də, söyləm/diskursiya etibarı ilə dəyişəcək,” deyə siyasi ekspert Kərim Əsgəri proqnozlaşdırır. Ankara Universiteti beynəlxalq münasibətlər fakültəsində doktorluq dərəcəsi üzərində çalışan güneyli fəal Amerikanın Səsi ilə söhbətdə Həsən Ruhani höküməti dönəmində İranın xarici siyasəti və Qərb ölkələri habelə qonşuları ilə münasibətlərdə aparılacaq mümkün islahatları, həmçinin bu dəyişikliklərin Azərbaycan türklərinə təsirlərini şərh edib.