Gülər Əhmədova Amerikanın Səsinə danışdı

Fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin açıqlamalarında və eləcə də, rüşvət sövdələşməsi videolarında tez-tez adı hallanan və bu səbəbdən Yeni Azərbaycan Partiyası sıralarından çıxarılan keçmiş millət vəkili Gülər Əhmədova Amerikanın səsinə müsahibəsində Prezident Administrasiyasının rəhbəri Ramiz Mehdiyevlə əlaqələrinə aydınlıq gətirib. O, habelə istintaqın gedişi, Türkiyədə dünyasını dəyişmiş Sevinc Babayevanın oğlunun ittihamları, ev dustaqlığı barədə dolaşan məlumatlardan söhbət açıb.