Yeni Müsavat qəzetinin baş redaktoru Rauf Arifoğlunun Amerikanın Səsinə müsahibəsi

Yeni Müsavat qəzetinin baş redaktoru Rauf Arifoğlu Amerikanın Səsinə müsahibəsində qəzetin əməkdaşı Tofiq Yaqublunun həbsini qərəzli adlandırıb. Onun sözlərinə görə, Tofiq Yaqublu İsmayıllıya qəzet üçün material hazırlamaq üçün gedib. “O İsmayıllıya iğtişaşlardan sonra gedib və cəmi beş dəqiqədən sonra polisin tələbi ilə hadisə yerini tərk edib. Tofiq Yaqublu İsmayıllını tərk etdikdən sonrakı günlərdə də qarşıdurma davam edib. Bu səbədən Tofiq Yaqublu vətəndaşları polisin tələblərinə tabe olmamağa çağıra bilməzdi və polsin qanuni tələbinə tabe olub. Çünki onu hadisə yerindən polis avtomobilində uzaqlaşdırıblar”, - o qeyd edib.