Yunanlar parlamentin yanvarın 15-də təsdiq edəcəyi islahatlara etiraz olaraq nümayişlər keçirib. Yeni məhdudiyyətlərə tətil qadağası da daxildir.
2018-ci ilin ilk böyük etirazı metronun bağlanması ilə başlayıb. 938 min insanın istifadə etdiyi bu nəqliyyat vasitəsinin bağlanması 3.8 milyon əhalisi olan Afinada tıxaclar yaradıb.
İşçilərin tətil elan etməsi ilə gəmilərin hərəkəti dayanıb. Həkimlər iş yerlərini tərk edib. Daha geniş tətillər bazar ertəsi gözlənilir.
Parlamentin imzalayacağı gözlənilən yeni qanun layihəsi ailələrin imtiyazlarını azaltmaqla yanaşı, ödənməmiş ipotekalara görə evələrin satışa çıxarılmasını da nəzərdə tutur.
