ABŞ rəsmiləri deyir ki, Yosemite Milli Parkının çərşənbə axşamı günü yenidən ictimaiyyətə açılacağı gözlənilir. Park regionda baş verən yanğından çıxan tüstü səbəbilə iki həftədən artıq müddətdir bağlı idi.
Yosemite ətrafında yanğınlar evakuasiyalara səbəb olub və çox sayda insanın popular turistik məkanları ziyarət etməsinin qarşısını alıb.
Beynəlxalq yardım komandaları da daxil olmaqla, minlərlə yanğınsöndürən Kaliforniyanın cənub və şimalında böyük yanğınlara qarşı mübarizə aparır. Bu yanğınlar nəticəsində azı səkkiz nəfər həyatını itirib, onlarla əmlak dağıdılıb.
Ümumilikdə Kaliforniya boyu onlarla yanğın baş verir və bu, ştat tarixində ən pis yanğın mövsümünə çevrilib.
