Yəmən prezidenti Əli Abdulla Saleh paytaxt Sənada toplaşan tərəfdarlarına deyib ki, o, prezidentin istefasını tələb edən müxalifətə müqavimət göstərəcək.
Bu gün paytaxtda həm onun tərəfdarlarının həm də əleyhdarlarının nümayişi keçirilib. Müxalif təşkilatçılar bu günü “Böyük İstefa günü” adlandırıblar və prezident Salehin dərhal istefasını tələb ediblər. Yəmən əsgərləri şəhərə daxil olan nümayişçiləri ələ keçirmək üçün nəzərət məntəqələri qurublar.
