Urmiyə Universiteti Nəşrlərə Nəzarət Komitəsinin bu yaxınlarda qapatdığı “Dəniz” adlı türkcə-farsca tələbə dərgisinin direktoru Amerikanın Səsinə müsahibədə dərginin qapadılmasına yol verən ittihamları açıqlayıb. Yasir Rəncbəri həmçinin İran Azərbaycanı və ölkənin digər bölgələrinin universitetlərində türk tələbələrin fəaliyyətləri, tələbə ocaqları və yayımlanan türkcə-farsca dərgilər haqqında məlumat verib.
Yasir Rəncbərininin dediklərinə görə, “2010-cu ildən bəri yayımlanan Dəniz dərgisinin ilgiləndiyi mövzular yalnız dil ilə bağlı deyildi. Güney Azərbaycanda türklərə qarşı tətbiq edilən ayrı-seçkiliklər və türklərin gündəlik yaşamınına dair iqtisadi problemlər və Urmiyə Gölünün quruması kimi ekoloji problemləri də dərginin önəm verdiyi mövzular idi.”
Yabancılardan məqsədləri Türkiyə və Azərbaycan Cumhuriyyətidir.
Nəşrlərə Nəzarət Komitəsi “Dəniz” dərgisinin “etnik məsələləri qaldırmaq və milli birliyə zərər vermək kimi xətalara” yol verdiyi və 14-cü sayıda Latın əlifbasından istifadə etdiyi üçün qapadılmasına qərar verdiyini açıqlayıb.
Rəncbəri həmçinin deyir ki, universitet məsulları daha əvvəl “Atatürkün şəklinin dərginin qapağında dərc edilməsi”, “Seyid Cəfər Pişəvəri haqqında yazıların yayılması” və “dərgidə yabancıların çıxar və yararlarının qorunması” ilə əlaqədar xəbərdarlıq vermişdilər.
“Yabancılardan məqsədləri Türkiyə və Azərbaycan Cumhuriyyətidir,” deyə tələbə fəalı qeyd edir.
O, dərgiyə qarşı irəli sürülən ittihamların əsassız olduğunu və dərginin əslində universitet xaricindəki qurumların göstərişi ilə qapadıldığını bildirir.
“Dəniz dərgisinə qarşı yönləndirilən suçlamaların bir çoxu istinadsızdır. Misal üçün İranda dərgilərin yayım qaydalarında Latın əlifbasına qarşı hər hansı bir qadağa yoxdur... Bu dərginin qapadılması universitet xarici və əlaqəsiz qurumların dərgilərə baxan komitəni yönləndirməsi ilə olub..,” deyə o dilə gətirir.
Dəniz dərgisinə qarşı yönləndirilən suçlamaların bir çoxu istinadsızdır. Misal üçün İranda dərgilərin yayım qaydalarında Latin Əlifbasına qarşı hər hansı bir qadağa yoxdur.
Türk fəal həmçinin prezident Həsən Ruhaninin seçkilər zamanı universitetlərdə tələbələrə qarşı təhlükəsizlik baxışın qaldırılacağına dair vədlər verib amma yerinə gətirmədiyini önə çəkir.
Yasir Rəncbəri Urmiyədən əlavə, Təbriz, Ərdəbil, Zəncan, Həmədan, Marağa və Qəzvin kimi şəhərlərin universitetlərində fəaliyyət göstərən türk tələblərin yayımladıqları dərgilər həmçinin təşkil etdikləri ocaqlar və türk dil kursları haqqında məlumat verib.
O, eləcə də Urmiyə Universitetindən nümunələrə diqqət çəkərək həmin ocaqlar və dərgilərini idarə edən tələbələrin üzləşdiyi çətinliklər və məruz qaldıqları basqıları açıqlayıb.
“Millətçi türk tələbələr universitetlərin təhlükəsizlik qurumu tərəfindən təhdid edilirlər. Universitetlərdə dövlətə bağlı olan tələbə qruplarına hər növ imkan yaradılarkən Azərbaycan əhalisinin qanuni və təbii haqları uğrunda çalışan türk tələbələr universitetdən atılmaq kimi hədə-qorxular ilə qarşı qarşıya olurlar,” deyə Urmiyə Universitetinin tələbəsi əlavə edir.
![Milad Balisini: Hakimiyyətə yaxın olmayan tələbələrə qarşı basqılar var [Audio-Müsahibə]](https://gdb.voanews.com/339a2f29-a29c-4b60-bfb2-af0d28a96b24_w100_r1.jpg)
![Milad Balisini: Hakimiyyətə yaxın olmayan tələbələrə qarşı basqılar var [Audio-Müsahibə]](https://gdb.voanews.com/339a2f29-a29c-4b60-bfb2-af0d28a96b24_w33_r1.jpg)
