Koronavirusa yoluxan tanınmış müğənni Yaqub Zurufçunun səhhəti ağır olaraq qalır.
Müğənninin həyat yoldaşı Aynur Zurufçu bildirib ki, Yaqub Zurufçunun müalicəsinə xarici mütəxəssislər cəlb edilib.
“Xaricdən gələn həkimlər yerli həmkarları ilə birlikdə Yaqubun durumunu izləyib. Həkimlər ötən gecə 2-3 saat onun başının üstündə olublar, konsilium edib və vəziyyətini dəyərləndiriblər. Bunun nəticəsi olaraq müalicə və terapiya ilə bağlı qərarlar veriləcək. Nəticə barədə bu gün məlumat alacağıq,” o, qeyd edib.
Yaqub Zurufçu bir neçə gün əvvəl koronavirusa yoluxub və Bakıda "Yeni Klinika”nın reanimasiya şöbəsinə yerləşdirilib. Müğənni süni nəfəs aparatına qoşulub. Həkimlər Zurufçunun vəziyyətini ağır qiymətləndirir.
