ABŞ-ın vitse-prezidenti Co Baydenin oğlu beyin xərçəngi səbəbi ilə dünyasını dəyişib.
46 yaşlı Bo Bayden ABŞ-ın Delaver ştatının keçmiş baş prokuroru idi. Vitse-prezidentin böyük oğlu olan Bo Bayden bir il İraqda hərbi xidmətdə olub.
Vitse-prezident Baydenin oğlunun ölümülə bağlı verdiyi açıqlamada onun uzun sürən ağır xəstəliklə həyatda göstərdiyi iradə və cəsarətlə mübarizə etdiyi deyilir.
Bo Bayden Vaşinqton yaxınlığında yerləşən Uolter Rid (Walter Reed) hərbi xəstəxanasında müalicə olunurdu.
Prezident Barak Obama özü və birinci xanım Mişel Obamanın adından Co Baydenin ailəsinə başsağlığı bildirib.
