Venesuelada getdikcə daha çox güclənən müxalifət hərəkatının lideri Xuan Quaydo insanları şənbə günü ölkənin hər bir şəhərində küçələrə çıxaraq, etirazlara qoşulmağa çağırıb. Bu etirazlarla müxalifət prezident Nikolas Maduroya təzyiq göstərərək, onu istefaya məcbur etməyə çalışır.
“Bizim ölkəmizin yaşadığı bu tarixi məqamda neytral olmaq yüz minlərlə insanı səfalətə, aclığa, sürgünə və hətta ölümə sürükləyən rejimin tərəfində olmaq deməkdir.”Müxalifət lideri Xuan Quaydo
Narazılıqların hədəfi olan Maduronun sosialist hökuməti isə öz növbəsində sadiq dəstəkçilərini bayraqlarla küçələrə axışaraq, Uqo Çavesin rəhbərlik etdiyi “Bolivar İnqilabı”-nın 20 illiyini qeyd etməyə çağırıb.Hər iki tərəfin ölkədə siyasi böhran nəticəsində artan gərginliyin ikinci həftəsində keçirilən nümayişləri müxalifətlə təhlükəsizlik qüvvələri arasında potensial qarşıdurmaya səbəb ola bilər.
Hərəkata rəhbətlik edən parlament sədri Quaydo Meksika və Uruqvay prezidentlərinin Maduro ilə danışıqlar aparılmasına təkliflərini rədd edib. Yazdığı məktubda Quaydo hər iki prezidentə Venesueladakı mübarizəyə dəstək verməyə çağırıb və əlavə edib ki, bu hadisələr zamanı neytral mövqe sərgiləmək Maduroya dəstək nümayişidir:
“Bizim ölkəmizin yaşadığı bu tarixi məqamda neytral olmaq yüz minlərlə insanı səfalətə, aclığa, sürgünə və hətta ölümə sürükləyən rejimin tərəfində olmaq deməkdir.”
