ABŞ Dövlət katibinin yardımçısı Filip Qordon Serbiyanın Kosovonun etnik prinsipə əsasən ərazilərə bölünməsi çağırışlarını rədd edib. Filip Qordon bu açıqlamanı bu gün Kosovo paytaxtı Priştinada baş nazir Haşim Taçi ilə görüş zamanı verib. Serbiya 2008-ci ildə ayrılmış Kosovonun müstəqilliyini tanımır. Lakin Serbiya Baş nazirinin müavini İvitsa Daçiç deyib ki, Belqrad mübahisəni Kosovonun əsas etibarilə serblərinin yaşadığı şimal bölgəsinin Serbiyaya birləşdiyi hallda həll edə bilər.
