Urmiyədə maaşını ala bilməyən bir qrup işçi piket keçirib

İranın Qərbi Azərbaycan vilayətinin mərkəzi Urmiyədə bir neçə aydır maaş və başqa ödənişlərini ala bilməyən bir qrup işçi piket keçirib.

İLNA xəbər agentliyinin (Iranian Labour News Agency) məlumatına görə, Azarkam adlı meyvə məhsulları zavodunun bəzi işçiləri şirkətin binası önündə toplaşaraq gecikmiş maaş və ödənişlərini tələb ediblər.

“İşçilər deyir ki, xoşbəxtlikdən zavodun bəzi məhsulları əvvəlcədən satılır. Lakin bu satışlardan gələn qazancın haraya getdiyi bizə naməlumdur,” agentlik qeyd edib.

İşçilər bir neçə aylıq maaş və bəzi başqa ödənişlərini tələb edir. Onlar keçən 5 ay ərzində bir neçə dəfə mitinq təşkil ediblər, ancaq şirkət rəsmilərindən qənaətbəxş bir cavab ala bilməyiblər.

SEE ALSO:

İşçilər Urmiyə bələdiyyəsinin önündə piket keçirib

Etiraz mitinqinə qatılan işçilər həmçinin deyib ki, “bəzi özəl sektorun işə götürənləri bayram günləri və pandemiya ilə bağlı tədbirlərə də əhəmiyyət vermirlər. Bu da işçilərin hüquqlarının pozulmasına səbəb olur.”