Ukrayna hökümətindəki sarsıntı iki dövlət rəsmisinin korrupsiya ittihamı ilə həbs olunmasına səbəb olub.
Polis Ukraynanın fövqəladə hallar xidmətinin rəhbəri Sergey Boçkovski və onun müavini Vasil Stoyetskini çərşənbə günü Nazirlər Kabinetinin iclası zamanı nəzarət altına alıb. Onlar televiziya ilə yayımlanan iclasdan əlləri qandallı çıxarılıblar.
Baş nazir Arseniy Yatsenyuk onları müharibə zamanı “xalqdan pul oğurlamaqda” ittiham edib, həmçinin “qanunu pozan və Ukrayna dövlətinə istehza edən hər kəsi eyni aqibətin gözlədiyini” bildirib.
Bundan bir neçə saat öncə isə prezident Petro Poroşenko ölkənin nəhəng neft istehsalçısının müdafiəsi üçün silahlı şəxsləri səfərbər etdiyi üçün bölgə qubernatorunu vəzifəsindən azad edib. Poroşenko bazar ertəsi ölkədə özəl ordulara icazə verilməyəcəyini bəyan edib.
