İyunun 16-da səhər saat 06:00-dan etibarən Bakıya gələn yolların üzərində quraşdırılmış post məntəqələrində nəqliyyat vasitələrinin sıxlığı müşahidə edilib. Minlərlə avtomobil 54 saatlıq sərt karantin rejiminin ardından karantin postlarında saatlarla gözləməli olub. Hava şəraitinin isti olması və postlarda hərəkətin tənzimlənməməsi sürücülərin və ətrafdakı insanların narazılığına səbəb olub. Ən çox sıxlıq Bakı-Ələt magistralının 65-ci kilometrində yerləşən karantin postunda müşahidə olunub. Digər karantin postlarında sıxlıq vəziyyəti seyrəldilərək, normallaşdırılıb.