Suriya təhlükəsizlik qüvvələri Dəməşqdə 11 nəfəri öldürüb

Suriyada insan hüquqları fəallarının dediyinə görə təhlükəsizlik qüvvələri paytaxt Dəməşqdə 11 nəfəri öldürüb. Fəallar reydin bu gün Kanakerdə baş verdiyini deyiblər. Orada sakinlər irəliləyən qoşunların qarşısını almaq üçün onlara daş atıblar. İnsan haqları qruplarının bildirdiyinə görə Suriya qüvvələri dörd aydan çox davam edən hökumət əleyhinə nümayişlərin qarşısını almağa çalışarkən azı 1600 mülki vətəndaşı öldürüblər. Hökumət zorakılığa dair ittihamları qəbul etməkdən boyun qaçırır və baş verənlərdə terrorçular və islamçıları günahlandırır.