Dekabrın 1-də Bakının Fəvvarələr meydanında ''Soyuq əllər, isti ürək" xeyriyyə yarmarkası fəaliyyətə başlayıb. Xeyriyyə yarmarkası kiçik taxta evlərdə təşkil edilib. Yarmarkada hər kəs Yeni il hədiyyələri, suvenirlər, geyimlər və s. əldə edə, kiçik kafelərdə çay, kofe, eləcə də digər isti və ya soyuq içkilərdən içə, müxtəlif təamlardan dada bilər. Yeddinci ildir keçirilən xeyriyyə yarmarkasından toplanan vəsaitin müxtəlif xəstəliklərdən əziyyət çəkən uşaqların müalicə və əməliyyatlarına sərf edildiyi açıqlanıb. Yarmarka yanvarın 13-dək davam edəcək.