Bu il 9 fevral tarixində Azərbaycanda parlament seçkiləri keçiriləcək. Jurnalist Seymur Kazımov seçkidə jurnalistlərin öz peşə fəaliyyətini yerinə yetirərkən hansı sənədlərə sahib olmalı olduqları ilə bağlı Amerikanın Səsinə danışıb. O bildirib ki, seçki ictimai hadisə olduğu üçün hər zaman medianın diqqətindədir, jurnalistlər də seçki günü kifayət qədər aktiv olurlar. Jurnalist çalışdığı redaksiyanın vəsiqəsini təqdim etməklə istənilən məntəqəyə daxil olub çəkiliş apara bilər. Seymur Kazımov deyir ki, jurnalistlərin fəaliyyətinə hər zaman maneələr törədilir, bunu əsasən seçkilər dövründə müşahidə etmək mümkündür. İlk öncə jurnalist öz peşə borcunu yerinə yetirdiyini xatırlatmalıdır. Jurnalistin hüquqlarından əlavə, onun vəzifələri də var.