Şərqi Azərbaycan Vilayəti tibbi təcili hallar mərkəzinin ictimaiyyətlə əlaqələr şöbəsinin məsulu Həbib Hüseynquluzadə bildirib ki, bu gün vilayətdə müxtəlif yol qəzaları nəticəsində 7 nəfər həlak olub, 5 nəfər isə yaralıb.
Təbriz-Urmiyə yolunda yol qəzası faciə ilə nəticələnib: 4 nəfər diri-diri yanıb
Təbriz-Urmiyə yolunda Xasiban məntəqəsində Pejo markalı avtomobillə Nissan markalı avtomobilin toqquşması Pejonun yanması və maşında olan 4 sərnişinin diri-diri yanması ilə nəticələnib.
Bu haqda açıqlama verən Həbib Hüseynqulizadə Təbriz-Urmiyə yolunda Pejo markalı maşınla Nissan markalı maşının toqquşması və qəza nəticəsində 4 sərnişinin öldüyünü təsdiq edib.
Həbib Hüseynqulizadə bildirib ki, yol qəzası baş verəndən sonra hadisə yerinə ilkin tibbi yardım göstərmək üçün xüsusi qrup göndərilib, bundan sonra qəzada yaralanan 3 sərnişin Azərşəhr xəstəxanasına aparılıb.”
Şahidlərin sözlərinə görə, hadisə yerinə yanğınsöndürən maşın gəlsə də, təchizat yetərli olmadığından yanğını söndürmək mümkün olmayıb və beləliklə faciə baş verib.
Bu gün həmçinin Zəngan- Miyana yolunda da bir Pejo markalı maşınla Nissan markalı maşının toqquşması nəticəsində 2 sərnişin yaralanıb və 3 sərnişin həlak olub. Qəzada yaralanan 2 sərnişin Miyana xəstəxanasına aparılıb.
